ՀՀ սփյուռքի նախարար Հրանուշ Հակոբյանն ընդունեց Հայաստանյաց Առաքելական Սուրբ Եկեղեցու Դամասկոսի հայոց թեմի առաջնորդ  Գերաշնորհ Տեր Արմաշ եպիսկոպոս  Նալբանդյանին:

Սրբազանը ուրախությամբ տեղեկացրեց Քեսաբի ազատագրումից հետո  տեղի հայ բնակչության վերադարձի անվտանգության  ապահովմանն ուղղված Հայոց Եկեղեցու  ջանքերի մասին:

ՀՀ սփյուռքի նախարարը բարձր գնահատեց Դամասկոսի Հայոց թեմի, Սիրիայում գործող ՀՀ դեսպանատան, հյուպատոսության, յուրաքանչյուր  աշխատակցի հոգևոր, բարոյական, նյութական աջակցությունը՝  ուղղված պատերազմական Սիրիայում գտնվող հայերի վիճակի բարելավմանը: Նա կարևորեց Քեսաբում և մյուս հայաշատ բնակավայրերում ծավալված իրադարձությունների ընթացքում բարեխնամ առաջնորդի՝ հայ համայքին ցուցաբերած ամենօրյա հայրական հոգածությունն ու օգնությունը՝ ընդգծելով նաև մեր պետության  օժանդակության պատրաստակամության  մասին:

Զրույցի ընթացքում տիկին Հակոբյանը բարձր գնահատեց Դամասկոսի հայոց թեմի՝ Սիրիայի հայ համայնքի կյանքում և հայապահպանության գործում ներդրած ջանքերը: