Մայիսի 12-ին Ռուսաստանի հայերի միության նախաձեռնությամբ Մոսկվայի Ալեքսանդրովսի զբասայգում Հաղթանակի օրվա` մայիսի 9-ի կապակցությամբ Անհայտ զինվորի գերեզմանի մոտ տեղի ունեցավ ծաղկեպսակների զետեղման արարողություն:

Միջոցառմանը ներկա էին Ռուսաստանի հայերի միության նախագահ Ա.Աբրահամյանը, ՌՀՄ առաջին փոխնախագահ Գ.Տեր-Ղարզարյանցը, փոխնախագահ Գ.Անանյանցը, հայազգի բազմաթիվ վետերաններ: Վետերաններին փոխանցվեց ՌԴ-ում ՀՀ արտակարգ և լիազոր դեսպան Օ.Եսայանի ուղերձը: Միջոցառմանը ներկա էին դեսպանության դեսպանորդ Ա.Մանասերյանը, ՌԴ-ում ԼՂ մշտական ներկայացուցիչ Ա.Անդրյանը, դեսպանության երկրորդ քարտուղար Վ.Մելքումովան:Այս մասին «Հայերն այսօրին» հայտնում են ՀՀ սփյուռքի նախարարության ԱՊՀ հայ համայնքների վարչությունից: