Յառաջիկայ շաբթու ընթացքին Աթէնք պիտի այցելէ ԼՂՀ մշակոյթի նախարարուհի Նարինէ Աղապալեանը,  որ  հրաւիրուած  է   ներկայ ըլլալու Յոյն-Հայ բարեկամութեան միութեան  կողմէ  կազմակերպուած  ձեռնարկի  մը՝ չորեքշաբթի, 26 փետրուար 2014-ի  երեկոյեան,  Աթէնքի մէջ  Պոլսեցիներու  միութեան սրահէն ներս:

Ձեռնարկը կը վայելէ Յունաստանի մօտ ՀՀ դեսպանութեան հովանաւորութիւնը: Խօսքերով հանդէս պիտի գան նաեւ միութեան նախագահ Նիքոս Լիղերոս, Հայաստանի մէջ Յունաստանի առաջին դեսպան, դիւանագէտ Լէոնիտաս Խրիսանթոփուլոս եւ այլանձնաւորութիւններ: Ձեռնարկը կը կրէ «Հայաստան-Արցախ. մէկ ազգ, մէկ պայքար» խորագիրը:

Աթենահայութիւնը յաւելեալ առիթ մըն ալ պիտի ունենայ տեսակցելու ԼՂՀ նախարարուհիին հետ, Հ.Յ.Դ. Յունաստանի Հայ դատի յանձնախումբի կազմակերպութեամբ ծրագրուած ժողովրդային ձեռնարկի մը ընթացքին, որ տեղի պիտի ունենայ երկուշաբթի, 24 փետրուար, 2014-ին, Ֆիքսի «ԱրամՄանուկեան» ակումբէն ներս: ԼՂՀ նախարարուհին ելոյթ պիտի ունենայ եւ իր խօսքը ուղղէ մասնակիցներուն:

azator.gr