Ինչպես տեղեկացնում է amerikayidzayn.com ինտերնետային կայքը, Ամերիկայի հայկական համագումարի խորհրդի անդամ Ռեյչլ Կապրիելյանը նշանակվել է ԱՄՆ Մասաչուսեթս նահանգի աշխատանքի և աշխատուժի զարգացման գծով քարտուղարի պաշտոնում: Դեռևս 2008 թվականին Ռեյչլ Կապրիելյանը Մասաչուսեթսի նահանգապետ Դևալ Պատրիկի հանձնարարականով նշանակվել էր որպես տրանսպորտային միջոցների գրանցման գրասենյակի ղեկավար: Ինչպես նշվում է Ամերիկայի հայկական համագումարի տարածած հաղորդագրության մեջ, Ռ. Կապրիելյանը իր կարիերայի ողջ ընթացքում ակտիվ գործունեություն է ծավալել Հայոց ցեղասպանության ճանաչման ուղղությամբ: