Արևմտահայերեն
Русский
EnglishԱՄՆ Մասաչուսեթս նահանգի քաղաքներում Հայոց ցեղասպանությունը փաստող վահանակներ են տեղադրվել
Ինչպես նախորդ 22 տարիների ընթացքում այս տարի նույնպես «Արվեստի խաղաղությունը» կազմակերպությունը www.
Ինչպես «Հայերն այսօր»-ին հայտնում է Հեղինե Գևորգյանը, այս տարվա վահանակի վրա պատկերված է դատարկ և փշալարերով պատված թռչնաբույն, որտեղ դեռ մնում են բռնի ուժով վտարված թռչունների փետուրները, ճիշտ այնպես, ինչպես հայ ժողովուրդը, որ օսմանյան կայսրության հրամանով ստիպված եղավ լքել իր բնօրրանը ու բռնել գաղթի, սովի, հալածանքի ու մահվան ճանապարհը:
«Վահանակը հիշեցնում է, որ Հայոց ցեղասպանությունը խլեց 1,5 միլիոն մարդու կյանք, իսկ 393,700 հայեր արտաքսվեցին իրենց բնակավայրերից և դառան գաղթականներ, լինելով գաղթականի զավակ, գաղթականության մորմոքը զգում եմ խորապես և առավել ցավում, որ այս հարցը այսօր էլ շարունակում է մնալ արդիական և գլոբալ խնդիր: Սիրիայում շարունակվող պատերազմի պատճառով բազմահազար քաղաքացիներ, այդ թվում հայեր կորցրեցին իրենց կյանքը, ինչպես նաև ստիպողաբար թողնելով իրենց բնօրրանը՝ բռնեցին գաղթի անհայտ ճանապարհը՝ վերադառնալու անհույս երազանքով»,-իր խոսքում նշեց արվեստագետ, «Արվեստի խաղաղությունը» կազմակերպության նախագահ Դանիել Վարուժան Հեճինյանը:
«Արվեստի խաղաղությունը» կազմակերպությունը 501(C)(3)
«Արվեստի խաղաղությունը» կազմակերպությունն օգտագործում է համընդհանուր արվեստի լեզուն՝ իրազեկելու մարդկային գոյավիճակին՝ նպաստելով հակամարտությունների խաղաղ լուծմանը։ «Արվեստի խաղաղությունը» կազմակերպությունը ծառայեցնում է արվեստն հանուն խաղաղության և չունի որևէ քաղաքական կամ կրոնական ուղղվածություն’ առանցք ունենալով Հայոց ցեղասպանության միջազգային ճանաչումը և Հայաստանի հեղինակության բարձրացումը արտերկրում:
