Ընթացիկ տարվա մարտի 30-ից «Արցախփոստ» փակ բաժնետիրական ընկերության կողմից մարվել և շրջանառության մեջ է դրվել «Եվրոպա-2018 կամուրջներ» թեմայով երկու նամականիշ:

Այս  մասին   «Արցախպրես»-ի  թղթակցի  հետ  զրույցում    ասել   է  «Արցախփոստ» ՓԲ  ընկերության     գործադիր տնօրեն Գարիկ Գրիգորյանը:

Նա    տեղեկացրել  է, որ    թողարկված    350 ՀՀ դրամ անվանական արժեքով փոստային առաջին  նամականիշի վրա պատկերված  է Հադրութի շրջանի Տումի գյուղի մոտակայքով հոսող համանուն գետի վրա կառուցված Ջարվանեսի կամուրջը, որը թվագրված է 13-րդ դարից:

Իսկ   450 ՀՀ դրամ անվանական արժեքով  երկրորդ   նամականիշի վրա   էլ   պատկերված է Քարավազի (Խուդափերինի) կամուրջը.  այն  էլ   կառուցվել է 5-7-րդ դարերում:

Մեր  զրուցակցի   խոսքով՝  նամականիշերի դիզայնի հեղինակը ստեփանակերտցի նկարիչ Արմեն Ղուկասյանն է: