ԱՀ առողջապահության նախարարության և «Հայ-մեդ» ֆրանսիական բժշկական-մարդասիրական ընկերության համատեղ նախաձեռնությամբ Ֆրանսիայից Արցախ են ժամանել քիթ-կոկորդ-ականջաբան, ուրոլոգ, էնդոկրինոլոգ, անեսթեզիոլոգ- ռեանիմատոլոգ մասնագետներ:

Նրանք   Արցախի հանրապետական բժշկական կենտրոնում   մինչև   ապրիլի   6-ը   անվճար սկսկել  են    իրականացնել  ընդունելություններ, խորհրդատվություններ, հետազոտություններ  և վիրահատություններ:

«Արցախպրես»-ի  թղթակցի հետ  զրույցում «Հայ-մեդ»    ֆրանսիական   բժշկական-մարդասիրական  ընկերության  նախագահ  Հովհաննես  Ժան  Միշելն  ասել  է, որ  իրենք   շուրջ   30  տարի  է, ինչ Արցախի  ժողովրդին    ցուցաբերում են  օգնություն:

Նա  նշել է, որ   այս  այցի  ընթացքում,   բացի   անվճար     բուժօգնություն  ցուցաբերելուց,  նաև   իրենց   հետ   բերել  են    բժշկական  սարքավորումներ  և  դեղորայք: