«Պարույր Սևակը ոչ միայն բանաստեղծ էր, այլև գիտնական,  ինչպես նաև վերլուծաբան:

Սևակի ստեղծագործական լաբորատորիայում գիտնականը լրացրեց բանաստեղծին, իսկ բանաստեղծը՝ գիտնականին: Նրա ամենամեծ սերը Հայաստանն է, բայց նրա սերը նաև ամբողջ աշխարհն է »: Է. Մեժելայտիս

Սարատովի մարզի «Կռունկ»   հայկական համայնքը իրականացնում է  «Մեր մեծերը» խորագրով կրթական ծրագիրը՝ նվիրված հայ մեծանուն գործիչների կյանքին ու գործունեությանը։ Ծրագիրն իրականացվում է սեմինարների  շարքով և մարտի 11-ին Սարատովի «Կռունկ» հայկական համայնքում տեղի ունեցավ 2018 թ. առաջին հանդիպումը՝ նվիրված
Պարույր Սևակի կյանքին ու գործունեությանը։

Սևակը միշտ էլ եղել է և կմնա  հայ ժողովրդի ամենասիրված բանաստեղծներից մեկը: Նրա պոեզիայից ճառագող լույսն անսպառ է, միտքը կենսական։ Նա գրել է իր մասին, մեր մասին, մեր սիրո, մեր կյանքի ու երազանքների մասին, հայի ու Հայաստնի մասին։ Այդ է պատճառը, որ  նրա գրական ժառանգության բարձունքը վեր է ժամանակի  տիրապետության սահմաններից։ Նա միշտ արդիական է, ժամանակի մեջ է  և ժամանակի  հետ։  Այս մասին էին խոսում և արտահայտվում սեմինարի մասնակիցները՝ համայնքի հայոց լեզվի,  գրականության , պատմության  և էթնոմշակութային ավանդույթների ուսումնասիրման ստուդիայի ունկնդիրները։ Նրանք ,սեմինարի ընթացքում, առավել  խորը ուսումնասիրեցին ոչ միայն Սևակ բանաստեղծին , ալյ նաև գիտնականին և թարգմանչին։ Ներկաները կարդացին նրա բոնաստեղծական գոհարներից նմուշներ, ունկնդրեցին երգեր՝ գրված  Սևակի  խոսքերով։

Պարույր Սևակ մեծությունը միշտ մեզ հետ է, նրա գանձերի լույսը  տասնամյակ առ տասնամյակ  դառնում է ավելի պայծառ ՝ իր  ոգեղենության բարձրունքին  կանչելավ  նոր սերունդներին։

Նունե Բարողամյան