Ասկերանի վերածննդի 30-րդ տարեդարձի օրը ՀՕՄ-ի Արցախի միավորի անդամները Ասկերանի շրջանային բուժմիավորման անձնակազմին են փոխանցել Ամերիկայի Արեւմտյան շրջանի ՀՕՄ-ի կառույցի հումանիտար օժանդակությունը՝ հողաթափեր:

Ասկերանի շրջանային բուժմիավորման գործադիր տնօրեն Գոհար Հակոբջանյանը իր և հիվանդանոցի անձնակազմի անունից շնորհակալություն է հայտնել օժանդակության համար:

ՀՕՄ-ի Արցախի միավորի որոշմամբ՝ շուրջ 1600 ռետինե հողաթափեր տրամադրվելու են Ստեփանակերտի հանրապետական բժշկական կենտրոնի, Ստեփանակերտի «Մոր և մանկան առողջության պահպանման կենտրոն»-ի,  Ստեփանակերտի «Արևիկ» մանկական հիվանդանոցի, Ստեփանակերտում կառուցվող ուռուցքաբանական կենտրոնի և շրջկենտրոնների բուժհաստատությունների անձնակազմերին, իսկ թվով 1000 հողաթափեր տրամադրվելու են կարիքավոր ընտանիքներին:

Հումանիտար օժանդակության տեղափոխմանն աջակցում է Արցախի առողջապահության նախարարությունը, գրում է Ապառաժը: