Ռուսաստանի կինոյի և հեռուստատեսության պրոդյուսերների ասոցիացիան հայտարարել է 2017 եթերային տարվա արդյունքներով VI մրցանակաբաշխության հավակնորդների անունները։

«Լավագույն լիամետրաժ գեղարվեստական» ֆիլմ անվանակարգում ներկայացված է Ռուբեն Դիշդիշյանի «Առիթմիա» ֆիլմը։

«Լավագույն հեռուստաֆիլմ» անվանակարգում ներկայացված է ռուսական Առաջին ալիքի «Նախկիններ չեն լինում» ֆիլմը, որի պրոդյուսերներն են Ռուբեն Դիշդիշյանը, Սերգեյ Դանիելյանն ու Արամ Մովսեսյանը։

«Լավագույն կատակերգական սերիալ» անվանակարգում ներկայացված են ՍՏՍ ալիքի նախագծերը`«Իվանովներ-Իվանովներ» ու «Էլեոն հյուրանոցը», որոնց գլխավոր պրոդյուսերը Էդուարդ Իլոյանն է։

Մրցանակի է հավակնում նաև նկարիչ Մարինա Տեր-Առաքելյանը` ՆՏՎ հեռուստաալիքի «Տառապանքների միջով» սերիալում կատարած աշխատանքի համար։

Ռուսաստանի կինոյի և հեռուստատեսության պրոդյուսերների ասոցիացիայի մրցանակաբաշխությունն իրականացվում է պրոդյուսերների պրոֆեսիոնալ կարծիքի հիման վրա։ Մրցանակաբաշխությունն առանձնացնում է ոլորտի այն ներկայացուցիչներին, որոնց կատարած աշխատանքը նշանակալի է եղել ռուսական կինեմատոգրաֆիայի զարգացման գործում։ Մրցանակաբաշխությունն անցկացվում է ամեն տարի` 2013 տարվանից սկսած։

VI մրցանակաբաշխությունը կայանալու է մարտի 15-ին, գրում է armeniasputnik.am-ը։