«Արարատ տան» հոգաբարձութիւնը կը տեղեկացնէ, թէ հայ տարեցներու խնամքին նուիրուած հաստատութեան նորագոյն բաժանմունքին բացումը տեղի պիտի ունենայ Շաբաթ, Փետրուար 8, 2014ին: «Արարատ տան» 19,000 ոտք յաւելեալ տարածք եւ 58 յաւելեալ անկողիններ ապահոված նոր մասնաբաժինին կառուցումը արդէն իսկ աւարտած է. այս իրագործումը տօնելու նպատակով կազմուած է յատուկ յանձնախումբ մը, որ բացման պաշտօնական արարողութենէն ետք ծրագրած է ճաշկերոյթ մը:

Հոգաբարձութեան ատենապետ իրաւաբան Յովսէփ Կանիմեան կը յայտնէ, թէ բացման արարողութեան հանդիսավարը պիտի ըլլայ թիւ 11 կայանի հաղորդավար Արաքսիա Կարապետեանը:

Ճաշկերոյթի մասնակցութեան սակը 150 տոլար է:

ՄԻՇԸՆ ՀԻԼԶ

http://asbarez.com