ՀՀ սփյուռքի նախարար Հրանուշ Հակոբյանն ընդունեց գործարար Հովել Շնորհոքյանին

ՀՀ սփյուռքի նախարար Հրանուշ Հակոբյանը  նոյեմբերի 22-ին ընդունեց ֆրանսահայ գործարար Հովել Շնորհոքյանին:

Հովել Շնորհոքյանը ՀՀ սփյուռքի նախարարին ներկայացրեց մի քանի ծրագիր, որոնց իրականացման համար ակնկալում է Հայաստանի կառավարության աջակցությունը: Ծրագրերից մեկը կազմակերպության ստեղծումն է, որը հնարավորություն կունենա իրականացնելու սփյուռքահայերի հիմնախնդիրներին վերաբերող հարցեր, Հայրենիքի հետ գործակցության ծրագրեր և այլն:

ՀՀ սփյուռքի նախարար Հրանուշ Հակոբյանը ողջունեց Հովել Շնորհոքյանի՝ հայապահպանությանն ուղղված քայլերը և առաջարկեց ուշադրության կենտրոնում պահել հատկապես հայերի ու հայկական կազմակերպությունների հնարավոր համախմբումը՝ պատրաստակամություն հայտնելով  հնարավորության սահմանում աջակցելու այդ աշխատանքների իրականացմանը:

Հանդիպման ընթացքում քննարկվեցին Եվրոպայի հայ համայանքներից հայրենդարձությանն առնչվող հարցեր:

 

Scroll Up