«International Diaspora Festival»-ի շրջանակներում Բուդապեշտում, Հայկական մշակութային կենտրոնի հովանու ներքո կկայանա POP ARM մրցույթը, որի շրջանակներում կազմակերպիչները ցանկանում են տեսնել աշխատանքներ՝ «Փոփ արտ մշակույթ» և «Ժամանակակից մշակույթ» խորագրերով։ Աշխատանքային թեման պետք է կապված լինի հայկական մշակույթի, ճանաչված մարդկանց, գրողների, երաժիշտների հետ, սակայն ընթանա յուրահատուկ ճանապարհով։ Նաև աշխատանքներ կարող են ներկայացվել ժամանակակից մշակույթի տարբեր ժանրերում՝  collage, painting, installation, figurine և այլն։

Աշխատանքային նյութի օգտագործման վերաբերյալ սահմանափակումներ չկան։ Մասնակցությունն առանց տարիքային սահմանափակման է։

Հաղթողները կպարգևատրվեն հետևյալ մրցանակներով`

«Ժյուրիի մրցանակ» խորագրով հաղթող մասնակիցը կստանա 300€,

«Հանդիսատեսի մրցանակ» խորհագրով հաղթող մասնակիցը կստանա 200 € և դիպլոմ։ Այս մրցանակը կհանձնվի հանդիսատեսի և ինտերնետային քվեարկությունների հիման վրա։

Հայտերի ընդունման վերջնաժամկետն է՝  31.07.2017թ.: Արդյունքները կհայտարարվեն ցուցադրության բացման օր ը` սեպտեմբերի 17-ին:

Դիմումի ներկայացման կարգը.

Աշխատանքները մշակույթի կենտրոն կարող են հանձնվել առձեռն՝ նախապես պայմանավորվելով (հասցե՝ Հունգարիա, Բուդապեշտ 1052 Semmelweis փողոց, 17) կամ ուղարկելով աշխատանքները հետևյալ Էլ-փոստի հասցեով՝ eranyak.oganova@gmail.com։

Էլեկտրոնային դիմումը պարտադիր է։ Ոչ լիարժեք տվյալներ ունեցող մասնակիցների աշխատանքները կմնան չգնահատված։

Աշխատանքները պետք է լինեն հեղինակների սեփական մտքերն ու ստեղծագործությունները։ Դիմողը պետք է ընդունի, որ ներկայացնելով իր դիմումը՝ նա հանձնում է իրավունք` աշխատանքների հետագա օգտագործման համար: Այն կարող է հետագայում հրապարակվել առանց դիմողի թույլտվության՝ դառնալով մատչելի հանրությանը։

Ցուցադրության սրահին ծանոթանալու համար կարող եք այցելել մշակույթի կենտրոն հետևյալ օրերին` երկուշաբթի (10։00-ից 13։30), երեքշաբթի, չորեքշաբթի, ուրբաթ (10։00-ից 16։00), հինգշաբթի (12։00-ից 18։00), շաբաթ (10։00-ից 13։30)։

Հավելյալ տեղեկությունների և տեխնիկական հարցերի դեպքում կարող եք զանգահարել ծրագրի համակարգող Երանյակ Օգանովային հետևյալ հեռախոսահամարով՝ +36 20 378 47 96: