Հունիսի 19-ին, ժամը 11.15-ին, ՀՀ սփյուռքի նախարարությունում տեղի կունենա փոխըմբռնման հուշագրի ստորագրում` Հայաստանի Հանրապետության սփյուռքի նախարարության և Կիպրոսի Հանրապետության հումանիտար և արտերկրյա հարցերով նախագահի հանձնակատարի գրասենյակի միջև (հասցե՝ Վ. Սարգսյան 3, 8-րդ հարկ):

Ողջույնի խոսքով հանդես կգա ՀՀ սփյուռքի նախարար Հրանուշ Հակոբյանը:

Կիպրոսի պատվիրակության կազմում են Կիպրոսի Հանրապետության  նախագահի Արտերկրյա և հումանիտար հարցերով հանձնակատար Ֆոտիու Ֆոտիսը, հանձնակատարի խորհրդական Ալեքսանդրոս Կաիսը, հանձնակատարի սփյուռքի հարցերով խորհրդական Տալիա Նատոնիուն:

Հուշագրի ստորագրումից հետո կցուցադրվի ֆիլմ ՀՀ սփյուռքի նախարարության գործունեության վերաբերյալ:

Պատվիրակության անդամներին կընդունեն ՀՀ Ազգային ժողովի նախագահը, վարչապետը:

Հյուրերը կայցելեն  Հայոց ցեղասպանության թանգարան ինստիտուտ, Մատենադարան: