2015 թվականին նշվեց Հայոց ցեղասպանության 100-րդ տարելիցը:  Ֆրանսիայի և համայն աշխարհի հայկական հասարակական կազմակերպությունները միավորվեցին և տարաբնույթ միջոցառումների միջոցով հանրությանը ներկայացրին պատմական եղելությունը:

Նիցայի համահայկական  միություն հասարակական կազմակերպությունը (Alliance Pan Arménienne) որոշեց  իրականացնել այն մանկավարժության միջոցով՝ Նիցա քաղաքի կրթօջախներում  իրականացնելով տարբեր միջոցառումներ:

2017 թվականի փետրվարին «ԿԱԼՄԵՏ» վարժարանի տեսուչի ջանքերով, ով մեծ հեղինակություն է վայելում,  մեկ շաբաթ «Հիշողություն և խտրականություն» խորագրով կազմակերպվեցին ցուցահանդեսներ, համաժողովներ՝   համախմբելով 1200 աշակերտների:

Համաժողովները վարեցին Լիոնում ապրող նշանավոր հայ դասախոս, CNMA գրադարանի պատասխանատու Դանիել Մկրտչյանը և գրող, հրատարակիչ Արա  Գրիգորյանը Փարիզից:

«ARAM» կազմակերպության կողմից ցուցադրվեցին հատվածներ «Աղետ» ֆիլմից:  Նիցայի համահայկական միության նախագահ Մարինա Պետրոսյանը խոսեց Հայոց պատմության մասին, ներկայացրեց Ցեղասպանության ականատեսների հիշողությունները և խտրականություն սերմանող պատմական դրվագներ:

Այնուհետև դպրոցականները մասնակցեցին  երկու համաժողովի: Առաջինի ժամանակ Դանիել Մկրտչյանը ներկայացրեց խտրականության բոլոր դրսևորումները, իսկ երկրորդի ընթացքում Արա Գրիգորյանը խոսեց Հայոց ցեղասպանության դրդապատճառների մասին:

Մեկ շաբաթվա ընթացքում դեռահասները դարձան այն  երիտասարդները, որոնք սկսեցին գիտակցել և հասկանալ մարդու իրավունքների հավասարությունը և ռասայական խտրականության տարբերությունը:

Նիցայի համահայկական  միություն