«Հայաստանի զարգացման նախաձեռնություններ» (IDeA) հիմնադրամի «Տաթեւի վերածնունդ» ծրագրի նախաձեռնությամբ երրորդ տարին անընդմեջ Տաթեւ համայնքում Տեառնընդառաջի տոնն առանձնահատուկ կերպով է նշվել:

Փետրվարի 14-ին Տաթեւի վանքում, վանահայր Միքայել վարդապետ Գեւորգյանի ձեռամբ, կատարվել է ավելի քան 25 նորապսակների օրհնության կարգ, որին հաջորդել է տոնական հյուրասիրություն, երգ ու պար։

«Տաթևի վերածնունդ» ծրագրի ղեկավար Հայկ Թութունջյանը նշել է, որ տոնական միջոցառումները նպատակ են հետապնդում ոչ միայն համախմբել երիտասարդ զույգերին, այլեւ տոների միջոցով զբոսաշրջային ոչ ակտիվ շրջանում նպաստել համայնքային կյանքի աշխուժացմանը Տաթեւի տարածաշրջանում: