Նոյեմբերի 2-ին չեխական հայտնի առողջարանային Կարլովի Վարի քաղաքի Duhová  paleta պատկերասրահում բացվեց չեխաբնակ գեղանկարիչ եւ քանդակագործ Մուրազ Մարտիրոսյանի աշխատանքների «Գույների մեղեդին» անհատական ցուցահանդեսը։ Այս մասին ըստ «Հայերն այսօրի»՝ հայտնում է Չեխիայի «Օրեր» պարբերականը:

Պրահայաբնակ հայ արվեստագետը ներկայացրել է 28 գեղանկարչական աշխատանք եւ 3 քանդակ։

Ցուցահանդեսի բացմանը նվիրված ձեռնարկում ի թիվս այլ երաժիշտների,  ներկա  արվեստասերների  համար ելույթ է ունեցել նաեւ նկարչի կինը՝ դաշնակահար Անահիտ Կծոյանը՝ կատարելով Սայաթ-Նովայի «Քանի վուր ջան իմ» եւ Առնո Բաբաջանյանի  «Նոկտյուրն» ստեղծագործությունները։

Ցուցահանդեսը կգործի մինչեւ նոյեմբերի 23-ը։