Հոկտեմբերի 15-ին ՀՀ սփյուռքի նախարարությունում նախարար Հրանուշ Հակոբյանի ղեկավարությամբ տեղի ունեցավ խորհրդակցություն, որին մասնակցում էին նախարարի տեղակալներ Սերժ Սրապիոնյանը և Վահագն Մելիքյանը, կառուցվածքային ստորաբաժանումների ղեկավարները, «Սիրիահայերի հիմնախնդիրները համակարգող կենտրոն» ՀԿ-ի նախագահ Լենա Հալաջյանը:

Նախարարը ներկայացրեց նոր ձևավորված կառավարության ծրագրում Հայաստան-Սփյուռք գործակցության զարգացման ուղղությամբ ՀՀ կառավարության կողմից իրականացվելիք միջոցառումները:

Բարեփոխումների համատեքստում քննարկվեցին գերատեսչության աշխատանքների կատարելագործման, արդյունավետության, պատասխանատվության  բարձրացման, Սփյուռքի հետ առավել միասնական, նպատակասլաց գործելուն առնչվող հարցեր:

Կառուցվածքային ստորաբաժանումների ղեկավարներին հանձնարարվեց կառավարության նոր ծրագրի իրականացման վերաբերյալ ներկայացնել առաջարկություններ: Տրվեցին այլ հանձնարարականներ, նշանակվեցին պատասխանատուներ ու համակարգողներ: