Երէկ` կիրակի, 27 հոկտեմբերին Ս. Նշան Մայր եկեղեցւոյ մէջ նշուեցաւ եկեղեցւոյ անուանակոչութեան տօնը` Գիւտ Ս. Խաչի տօնը, որ զուգադիպեցաւ Լիբանանի հայոց նորընտիր առաջնորդ Շահէ եպս. Փանոսեանի այդ հանգամանքով մատուցած անդրանիկ սուրբ պատարագին: Պատարագի ընթացքին առաջնորդ սրբազան հայրը արտասանեց օրուան խորհուրդը ներկայացնող քարոզ մը:

Ապա Ազգային առաջնորդարանի դահլիճին մէջ տեղի ունեցաւ հանդիպում մը, որուն ընթացքին խօսք առաւ Ազգային երեսփոխանական ժողովի ատենապետ Տիգրան Ճինպաշեան: Առաջնորդ սրբազանը նոյնպէս ելոյթ ունենալով շնորհակալութիւն յայտնեց իրեն համար կազմակերպուած ընդունելութեան առնչութեամբ:

Հանդիպումէն ետք տեղի ունեցաւ աջահամբոյր:

aztagdaily.com