Սիրելի սփյուռքահայ երիտասարդներ,
ուրախությամբ տեղեկացնում ենք, որ 2016 թվականի օգոստոսի 22-28-ը Ծաղկաձոր քաղաքում տեղի է ունենալու «Բազե 2016» երիտասարդական համահայկական ամենամյա հավաքը, որին մասնակցելու է ՍՓՅՈՒՌՔ ջոկատը:
Ջոկատի անդամները հավաքի ընթացքում պետք է մրցեն հետևյալ մրցույթներում՝ սեղանի թենիս, շախմատ, բազկամարտ, հրաձգություն, երգ, պար, նկարչություն, բրեյն ռինգ, լող, մինի ֆուտբոլ, վոլեյբոլ, նորաձևություն, սպորտլանդիա, ազգային խաղեր:
Ջոկատը բաղկացած է լինելու սփյուռքահայ 9 մասնակցից, այդ թվում` ջոկատի ղեկավարը: Ջոկատի կազմում պետք է ընդգրկված լինի առնվազն 4 աղջիկ: Մասնակիցների տարիքը՝ 18-30 տարեկան:
Հավաքի ընթացքում սպասվում են նաև հետաքրքիր օրեր` լի հանդիպումներով և քննարկումներով:
Բոլոր այն սփյուռքահայ երիտասարդները, ովքեր ցանկանում են ընդգրկվել «Բազե-2016»-ի ՍՓՅՈՒՌՔ ջոկատում, կարող են գրանցվել մինչև ս/թ հուլիսի 3-ը: Մանրամասների համար դիմել ՀՀ սփյուռքի նախարարության Համահայկական ծրագրերի վարչության գիտակրթական ծրագրերի բաժին. էլ-փոստ՝ gitakrtakan.diaspora@yandex.ru կամ gitakrtakan-diaspora@mail.ru, հեռախոս՝   (+374 10) 585601 (7-00):

ՀՀ սփյուռքի նախարարություն