Չեխ ու գործարարներն նրանց ﬕավորող կառույցները Հայաստանում են ոչ ﬕայն առևտրաշրջանառությունն ավելացնելու, Հայաստանի ﬕջոցով ԵԱՏՄ տարածք ու Իրան դուրս գալու հնարավորությունները քննարկելու, այլև համատեղ ձեռնարկություններ հիﬓելու հարցեր բարձրացնելու համար:

«Արﬔնպրես»-ի փոխանցմամբ` Հայաստան-Չեխիա գործարար համաժողովի բացմանը հայտարարեց Չեխիայի Հանրապետության ԱՊՀ երկրների առևտրի պալատի նախագահ Ֆրանտիշեկ Մասոպուստը: «Մենք պետք է ձգտենք ավելացնել առևտրաշրջանառությունը ﬔր երկրների ﬕջև, քանի որ շատ կարևոր է չեխ գործարարների համար օգտվել Հայաստանի հնարավորություններից` ներառյալ մուտքը Եվրասիական տնտեսական ﬕության տարածք:

Մենք այստեղ ենք գտնելու գործընկերներ, բայց ոչ ﬕայն վաճառելու ու գնելու համար, այլ որպեսզի աշխատենք ﬕասին, ձգտենք այստեղ բացել ﬔր բիզնեսը ու դուրս գանք Իրան ու այլ երկրներ»,-ասաց չեխ պաշտոնյան: Նա շեշտեց, որ իրենց համար կարևոր է ԱՊՀ տարածքում հուսալի ու բարեխիղճ գործընկերոջ առկայությունը և հավելեց, որ այդ առումով ճիշտ երկիր են եկել:

«Մենք պատմականորեն ունենք լավ հարաբերություններ, որի վկայությունն էլ ﬔր քաղաքական հարաբերությունների մակարդակն է»,-նշեց Ֆրանտիշեկ Մասոպուստը: Նրա խոսքով` տարվա սկզբին, երբ Հայաստանում էին, ինքն ասել է, որ վերադառնալու են ու այսօր ուրախ է, որ այստեղ են ոչ ﬕայն գործարարները, այլ հանդիպում են նաև երկրների նախագահները:

«Ուրախ եմ, որ ﬔր նախագահներն այսօր հանդիպում են: Մեր երկրների ﬕջև հարաբերությունները այնքան լավ են, որ կասկած չկա, որ պատրաստ ենք զարգացնել ﬔր համագործակցությունը: Երբ խոսում ենք համագործակցության մասին, նկատի ունենք փոխշահավետ հարաբերություններ»,-ասաց Ֆրանտիշեկ Մասոպուստը` իր հերթին հայ գործընկերներին հրավիրելով Չեխիա գործակցությունն ընդլայնելու համար: