ԻՐԱՆԻ ՀԱՅ ՃԱՐՏԱՐԱՊԵՏՆԵՐԻ ԵՎ ՃԱՐՏԱՐԱԳԵՏՆԵՐԻ

ՄԻՈՒԹՅԱՆ ՆԱԽԱԳԱՀ ԲԵՌՆԱՐԴ  ԴՐՈՐԻՆ

Հարգելի´ պարոն Դրոր,

Սրտանց շնորհավորում եմ Ձեզ և միության բոլոր անդամներին կառույցի 30-րդ տարեդարձի առթիվ:

Իրապես, Ձեր ղեկավարած կառույցն մշտապես հանդես է եկել իր շնորհագեղ ճարտարապետական լուծումներով` աշխարհին ներկայացնլով հայի կառուցող և արարող տեսակը:

Ձեր մտքի խոյանքով, ձեր ստեղծագործություններով դուք մասնակցում եք ազգային արժեքների ստեղծման և պահպանման հայրենանվեր գործին: Ձեր որդեգրած միասնական սկզբունքներով հավուր պատշաճի պահպանվում է իրանահայ համայնքի՝ դարերի ընթացքում ստեղծված պատմամշակութային ժառանգությունը:

Վստահաբար կարելի է փաստել, որ հայ ճարտարապետների ստեղծած արվեստը Իրանում, հատկապես հայկական եկեղեցիների և պարսկական մզկիթների նախագծման և կառուցման ոլորտում հիացմունքի է արժանի անկախ կրոնական և ազգային պատկանելիությունից, ինչը և բնորոշ է մեծարժեք մշակույթի կերտողներին:

Հայ ճարտարապետության հետքը քարեշեն զարդերի միջոցով Դուք շաղ եք տվել ամբողջ Իրանի տարածքով:

Հարգարժա´ն պարոն Դրոր,

Մեծահույս եմ, որ Ձեզ, Իրանի հայ ճարտարապետների և ճարտարագետների միության մյուս ներկայացուցիչներին կտեսնեմ Մայր հայրենիքում՝ համագործակցությունն առավել խորացնելու, նոր նախագծեր իրականացնելու համար:

Եվս մեկ անգամ շնորհավորում եմ Ձեզ հոբելյանի առթիվ և մաղթում միության բոլոր անդամներին արգասալից գործունեություն, նորանոր մտահղացումներ և հաջողություններ:

  ՀԱՐԳԱՆՔՈՎ՝

ՀՐԱՆՈՒՇ ՀԱԿՈԲՅԱՆ