Արևմտահայերեն
Русский
EnglishՉինաստանում տեղի կունենա հայկական դասական երաժշտության համերգ
Մայիսի 13-ին Չինաստանի Թիանջին քաղաքում տեղի կունենա Հայկական դասական երաժշտության համերգ: Այս մասին «Հայերն այսօրը» տեղեկանում է Չինաստանի հայ համայնքից:
Հանդիսատեսին կներկայացվեն Կոմիտասի, Սպենդիարյանի, Խաչատրյանի, Բաղդասարյանի, Բաբաջանյանի և Ստեփանյանի ստեղծագործությունները:
Համերգի ընթացքում <<Հայաստանի գաղտնիքներ>> նախագծի ղեկավարն ու Չինաստանի Հայկական համայնքի Գործադիր մարմնի ներկայացուցիչը՝ Միքայել Հայրապետյանը, առաջին անգամ կներկայացնի 20-րդ դարի նշանավոր երգահան Արո Ստեփանյանի ստեղծագործությունները: Համերգի կազմակերպիչներն են Միքայել Հայրապետյանի <<Հայաստանի գաղտնիքներ>> նախագիծն ու Չինաստանի Հայկական համայնքը:
Չինաստանի հայկական համայնքն ակտիվ գործունեություն է ծավալում: Հատկանշական են երկրում բնակվող հայերին միավորելը, Հեռավոր Արևելքում հայապահպանությանը նպաստելը, չինացի ուսանողներին Հայաստանում սովորելու համար կրթաթոշակի հատկացումը, Չինաստանում հայկական ներկայության պատմության վերաբերյալ «Գյուլբենկյան» հիմնադրամի հետ կատարվող ուսումնասիրությունները, Չինաստանում Հայկական ուսանողական միության գործունեությունը, Հայ հետազոտողների և ուսանողների առցանց գիտաժողովը և այլն:
