Ապրիլի 12-ին ԱՄՆ Լոս Անջելեսի քաղաքապետարանի մոտ տեղի է ունեցել մոմավառություն՝ ի հիշատակ Լեռնային Ղարաբաղում զոհված հայ զինվորների: «Հայերն այսօրի» փոխանցմամբ՝ մոմավառության ժամանակ քաղաքային խորհրդի անդամ Փոլ Գրիգորյանը հանդես է եկել ելույթով, որի ընթացքում կոչ է արել կառավարությանը ճանաչել Արցախի անկախությունը:

Հավելենք, որ մոմավառությունը նախաձեռնել էր Արցախի օգնության օպերատիվ խումբը: