«Diamond House» հյուրանոցի կոնֆերանս սրահում  «Սիրիահայերի տնտեսական ինտեգրման» ծրագրի շրջանակում կայացավ «Ինչպես օգտագործենք մեր գումարը» սեմինարը: Սեմինարը վարում էր Սփյուռքահայ ուսանողների խորհրդի հիմնադիր-նախագահ, թրեյներ, իրավաբան Սամվել Մկոյանը:

Ըստ «Հայերն այսօրի»՝ սեմինարի մասնակիցներին ներկայացվեցին հետևյալ թեմաները`

1. ՀՀ ֆինանսական համակարգին ծանոթացում

2. Ընտանիքի և կազմակերպության բյուջեի արդյունավետ կառավարում

3. Բանկային հաշիվ և վճարային քարտ

4. Խնայողություններ

5. Պարտքերի կառավարում

6. Ապահովագրություն

7. Սեփական շահերի պաշտպանություն և այլն:

Սեմինարի արդյունքները գոհացուցիչ էին թե կազմակերպիչների, թե մասնակիցների համար, դա է փաստում նաև սեմինարի մասնակից սիրիահայ Հակոբ Հրեշտակյանի խոսքը. «Սեմինարը բավականին հագեցած էր. 5 ժամ տևած քննարկումները և փոխանցված նյութը շատ կաևոր էր մեզ համար: Այս սեմինարին պետք է մասնակցի յուրաքանչյուր սիրիահայ»:

Սեմինարը կազմակերպվել էր Միջազգային համագործակցության գերմանական խնայբանկերի հիմնադրամի, «ՋԻ-ԱՅ-ԶԵԹ»-ի և Սփյուռքահայ ուսանողների խորհրդի կողմից: