Մարտի 22-ին Մոլդովայի հանրապետության մայրաքաղաք Քիշինյովում տեղի է ունեցել մշակութային միջոցառում, որի կազմակերպիչը Մոլդովայում հայ համայնքն էր:

Ինչպես «Հայերն այսօր»-ին հայտնում են Մոլդովայի հայ համայնքից, այս միջոցառումը հնարավորություն տվեց ներկաներին՝ ծանոթանալու հայկական մշակույթին ու անվանի հայերին, ովքեր վերջին մի քանի հարյուրամյակում մեծ ներդրում են ունեցել համաշխարհային քաղաքակրթության  մեջ:

Միջոցառման ընթացքում ելույթներով հանդես եկան համայնքի ներկայացուցիչներ, հյուրեր, ինչպես նաև տեսաֆիլմի միջոցով ներկայացվեց հայոց պատմությունն ու հայերի անցած ուղին: