Բրյուսելում ստեղծվել են փոխօգնության ցանցեր. մարդիկ, այդ թվում՝ հայ համայնքի ներկայացուցիչները, սոցիալական ցանցերում բացված հարթակներում ակտիվ հաղորդակցվելով, օգնության են հասնում ﬕմյանց, ավտոﬔքենա ունեցողները ﬔքենայով հասնում ու տեղափոխում են ﬔքենա չունեցողներին:

Այս մասին Բրյուսելից «Արﬔնպրես»-ին պատﬔց հայ համայնքի ներկայացուցիչ Մարինե Ստեփանյանը՝ մանրամասնելով, որ հասարակական տրանսպորտի չգործելու պատճառով մարդիկ տեղաշարժման խնդիրներ ունեն և սոցիալական ցանցերում ստեղծված խմբերում հայտնում են իրենց գտնվելու վայրը. նրանց օգնության են հասնում այն մարդիկ, ովքեր ունեն ﬔքենաներ և տեղաշարժվելու են ﬕևնույն ուղղությամբ:

Նա նշեց, որ տեղեկություններ ունեն բոլոր այն հայ ընտանիքներից, ում ճանաչել են Բելգիայում գտնվելու ﬕ քանի տարիների ընթացքում: «Օրվա ընթացքում բոլորը կապ են հաստատել ﬕմյանց հետ ու հավաստիացել, որ աﬔն ինչ կարգին է: Անգամ կարողացել են ﬕմյանց օգնել ավագ դասարաններում սովորող իրենց երեխաներին դպրոցներից տուն տեղափոխելու հարցում:

Կրտսեր դասարանցիներին և մանկապարտեզների սաներին ծնողները կարողացել են վերցնել ﬕայն անձը հաստատող փաստաթղթերով, սակայն ավագ դպրոցներից երեխաներին տեղափոխելու հարցում աշխատել է փոխօգնության սկզբունքը. ծնողներից ﬔկը դպրոցից վերցրել ու իր մոտ է պահել ﬕ քանի երեխաների ﬕնչև ծնողները կարողացել են ազատվել աշխատանքից և տանել իրենց երեխաներին»,- պատﬔց Մարինե Ստեփանյանը: Դպրոցներում երեխաներին ուտելիք են բաժանել, քանի որ թույլ չեն տվել նրանց դուրս գալ ոչ ﬕ դասաﬕջոցի: Աﬔն դեպքում, Ստեփանյանի փոխանցմամբ, հայկական համայնքում, չնայած իրավիճակից բխող վախի զգացմանը, երկրում հայտարարված եռօրյա սգին, տխրությանն ու ափսոսանքի զգացմանը, խուճապ չկա: Մարդիկ գիտեն, որ հաջորդ օրերին կյանքը պետք է շարունակվի բնականոն հունով, գործելու են դպրոցներն ու մանկապարտեզները:

Հայկական համայնքը պատրաստ է, որպես Բելգիայի օրինավոր քաղաքացիներ, ցուցաբերել ﬕասնականություն պահպանել հանդարտություն ու լայնախոհություն: Մարտի 22-ի առավոտյան երկու պայթյուն Է որոտացել Բրյուսելի օդանավակայանում: Երկրի իշխանությունները գտնում են, որ պայթուցիկ սարքերից ﬔկը կարող Էր գործի դնել մահապարտ ահաբեկիչը: Երրորդ պայթունը որոտացել Է ﬔտրոյի «Մալբեկ» կայարանում՝ գնացքի վագոնում: Ահաբեկչական գործողությունների հետեւանքով զոհվել Է առնվազն 34 մարդ, ﬖասվածքներ են ստացել եւս գրեթե 200-ը:

Բելգիայի վարչապետ Շառլ Միշելը պայթյունները որակել Է ահաբեկչական գործողություններ: Բրյուսելում կատարված ահաբեկչական գործողությունների պատասխանատվությունն ստանձնել Է «Իսլամական պետություն» ահաբեկչական խմբավորումը: Բելգիայում պահպանվում է տագնապի չորրորդ աստիճանը: Դադարեցվել էր հասարակական տրանսպորտի աշխատանքը, Բրյուսելի օդանավակայանը հետաձգել էր բոլոր չվերթները: Բելգիայի Թագավորությունում Հայաստանի դեսպանությունը բելգիական կողﬕ հետ ճշտում է` արդյոք ահաբեկչության զոհերի և վիրավորների շրջանում կան ՀՀ քաղաքացիներ կամ հայազգի անձինք:

Դեսպանությունը մշտական կապ է պահպանում Բելգիայի կառավարության համապատասխան օղակների հետ` հետագա իրավիճակը պարզելու նպատակով: