Թուրքիայի արտգործնախարար Մևլութ Չավուշօղլուն նոյեմբերի 27-ին պաշտոնական այցով կմեկնի Ադրբեջան: Թուրքիայի արտգործնախարարությունը (ԱԳՆ) պաշտոնակա հաղորդագրություն է տարածել, որում նշվում է , որ այցի շրջանակներում Չավուշօղլուն հանդիպում է ունենալու իր ադրբեջանցի պաշտոնակից Էլմար Մեմեդյարովի հետ:

«Հանդիպման ընթացքում բազմակողմանիորեն քննարկվելու են երկկողմ հարաբերություններին, Լեռնային Ղարաբաղի հակամարտությանը, ինչպես նաև տարածաշրջանային և միջազգային զարգացումներին առնչվող խնդիրներ», -ermenihaber.am-ի փոխանցմամբ՝ ասված է հաղորդագրությունում մեջ:

Նույն աղբյուրի համաձայն՝ այցի ընթացքում Թուրքիայի արտգործնախարարը հանդիպումներ կունենա նաև Ադրբեջանի նախագահ Իլհամ Ալիևի, խորհրդարանի նախագահ Օքթայ Ասադի և վարչապետ Արթուր Ռեսիզադեի հետ: