Սիրիական բանակն ազատագրել է Հալեպի հարավում գտնվող 50 գյուղ, բազմաթիվ արոտավայրեր ու դաշտեր` իր հակակշռի տակ առնելով ավելի քան 150 քմ տարածք: Այս մասին «Հայերն այսօր»-­ը տեղեկանում է «Գանձասար» թերթի ֆեյսբուքյան էջից:

Բանակը Ալուտեհի և Հադդադին շրջանները անվտանգ  է հռչակել և բնակիչներին կոչ է արել վերադառնալ իրենց բնակավայրերը:

Նշենք, որ նախորդ օրերին բանակն ամբողջությամբ ազատագրել էր Հալեպի արևելյան գյուղերից Ալճաբուլը: 

Անցնող մեկ ամսվա ընթացքում բանակը հետ է մղել «Իսլամական պետության» ահաբեկիչների ավելի քան տասը հարձակում՝ ուղղված Դեր Զորի ռազմական օդանավակայանի վրա: Օդանավակայանը շարունակում է մնալ սիրիական բանակի վերահսկողության ներքո: