Ֆրանսիահայ ժամանակակից նկարիչ Մելիք Օհանյանը Մարսել Դյուշանի հեղինակավոր մրցանակաբաշխության 2015 թվականի հաղթող է դարձել:

Օհանյանը 35 հազար եվրոյի չափով պարգեւ է ստացել լուսատախտակի մեջ մոնտաժված 7 լուսանկարների շարքի համար:

«Տեւողություն» անվանումով աշխատանքն ապշեցրել է ժյուրիի անդամներին, որոնք այն հզոր այլաբանություն են կոչել: Այս մասին ըստ News.am-ի՝ գրում է blouinartinfo.com-ը:

Մարսել Դյուշանի մրցանակաբաշխությունը հիմնվել է 2000 թվականին, Ֆրանսիական արվեստի տարածման ընկերակցության կողմից: