Ավստրալիայի կառավարությունը համաձայնել է լրացուցիչ կարգով երկրում տեղավորել 12 հազար սիրիացի փախստականների, ինչպես նաեւ 40 մլն դոլար տրամադրել Սիրիայում միգրացիոն ճգնաժամը կարգավորելու համար: Այդ մասին, ինչպես տեղեկացնում է «Արմենպրես»-­ը, սեպտեմբերի 9-­ին հաղորդել է ABC հեռուստաընկերությունը:

Ներկայում Ավստրալիան հումանիտար քվոտայի շրջանակներում տարեկան 13 հազար 750 փախստականների է ընդունում աշխարհի տարբեր երկրներից: Կառավարությունը պլանավորում էր այդ բաժնեչափը 2018 թվականին ավելացնել 5 հազար մարդով: Իրենց մոտ փախստականներին տեղավորելու պատրաստակամության մասին արդեն հայտնել են Ավստրալիայի երեք նահանգների՝ Վիկտորյայի, Հարավային Ավստրալիայի եւ Արեւմտյան Ավստրալիայի իշխանությունները,-հաղորդել է ՏԱՍՍ գործակալությունը: