ՀՀ վարչապետ Հովիկ Աբրահամյանը Չինաստանի վարչապետի հետ առաջիկայում կքննարկի Իրան­ Հայաստան երկաթգծի կառուցման գործում Չինաստանի ներգրավվածության հարցը: «Արմենպրես»-­ի փոխանցմամբ` այս մասին «Բազե» ամենամյա հավաքի մասնակիցների հետ հանդիպման ժամանակ նշեց վարչապետ Հովիկ Աբրահմյանը:

«Սեպտեմբերին կայանալու է իմ այցը Չինաստան, որի ընթացքում էլ Չինաստանի վարչապետի հետ քննարկելու ենք այդ հարցը: Երկու երկրների նախագահների միջև վերջին հանդիպման ժամանակ ձեռք է բերվել քաղաքական պայմանավորվածություն: Այժմ պետք է տնտեսական առումով համաձայնության գանք Չինաստանաի վարչապատի հետ` երկաթգծի հետ կապված որոշ խնդիրների լուծման հարցում»,­ հայտնեց Հովիկ Աբրահմյանը:

Նրա խոսքով` հայ­իրանական երկաթգիծը մեծ նշանակություն կունենա մեր երկրի համար, որը ճանապարհ կբացի դեպի ասիական շուկա, կնպաստի ենթակառուցվածքների զարգացմանը: «Դա նաև մեծ հնարավորություն կտա լուծել Հայաստանից ապրանքների արտահանման խնդիրները»,­-նշեց վարչապետը: