Խմբի երգչուհի Զառա Գևորգյանի խոսքով, իրենց համար ակտուալ խնդիր է այդ մշակույթը, կենդանի համերգն իր ամբողջ տեխնիկական ճիշտ մատուցմամբ ներկայացնել նաև մարզերում. «Գիտենք, որ մարզերի բնակիչները կարոտ են այդ տեսակ և հնչողության, և երաժշտության: Իրոք, այնտեղ շատ քիչ բան է կատարվում»:

Խմբի բաս-կիթառահար Վարդան Գրիգորյանն ասաց, որ հյուրախաղերի միջոցով փորձելու են աշխուժացնել մարզերի մշակութային կյանքը. «Սա լճացումից դուրս գալու փորձ է մեր կողմից»։

Նա նշեց, որ համերգները կազմակերպվելու են տեխնիկական ամենաբարձր մակարդակով, ելույթներն ուղեկցվելու են կենդանի ձայնով:

«Դոգմա» խմբի անդամները հույս ունեն, որ իրենց նախաձեռնած ծրագիրը նախադեպային կդառնա այլ խմբերի համար: