Գյումրիում Համահայկական 6- րդ խաղերի շրջանակում մրցում են Գյումրիի, Սասունի,  Թեհրանի, Մոսկվայի, Քյոլնի, Կիևի, Տոգոնրոգի, Սիդնեյի, Լա Պլատայի և Անթիլիասի ֆուտբոլային թիմերը, գրում է armradio.am-ը:

Հայաստանի 2-րդ քաղաքում ջանք չեն խնայում, որպիսի համահայկական խաղերն անցկացնեն պատշաճ մակարդակով:   Գյումրիում անցկացվող ֆուտզալի և ֆուտբոլի մրցումները օգոստոսի 3-ից մեծ աշխուժություն են մտցրել քաղաքի կյանքում, իսկ օգոստոսի 6-ին՝ Սասուն-Թեհրան խաղից առաջ սասունցի երիտասարդները հայկական դհոլ- զուռնայի կանչը լսելով՝ մարզումները թողեցին եւ շտապեցին շուրջպար բռնել։