Արցախի Հանրապետության Նախագահ Բակո Սահակյանը հուլիսի 14-ին այցելել է Ասկերանի շրջանի Պատարա գյուղի մոտակայքում տեղակայված ԼՂՀ սպորտային զբոսաշրջության ֆեդերացիայի եւ «Ապագա սերունդներ» հիմնադրամի կողմից կազմակերպված ամառային ճամբար եւ հանդիպել այնտեղ իրենց հանգիստն անցկացնող մարզիկների ու երիտասարդական կազմակերպությունների ներկայացուցիչների հետ:

ՍՏԵՓԱՆԱԿԵՐՏ, ՀՈՒԼԻՍԻ 14, ԱՐՑԱԽՊՐԵՍ: Արցախի Հանրապետության նախագահի աշխատակազմի տեղեկատվության գլխավոր վարչության փոխանցմամբ՝ Բակո Սահակյանը գոհունակությամբ նշել է, որ Արցախում նմանատիպ ճամբարների կազմակերպումը դարձել է ավանդական, ինչն ուրույն դերակատարություն ունի ինչպես ֆիզիկական կուլտուրայի, այնպես էլ զբոսաշրջության զարգացման գործում: