Ամերիկացի լրագրող Ռոճեր Ֆրիտման showbiz411.com-ին մէջ նոր տեղեկութիւններ  յայտնած է Հայոց ցեղասպանութեան մասին նոր մեծակտաւ ֆիլմի մասին, որ կը ֆինանսաւորէ ամերիկահայ միլիարտէր Քըրք Քըրքորեան, կը գրէ Artsakhpress-ը:

Դեռ Փետրուարին Ֆրիտման յայտնած էր բուն նախաձեռնութեան մասին, այժմ ալ անոր մանրամանսերը  յայտնի դարձած են:

 Ըստ այդմ` Քըրքորեանի ֆիլմը պիտի նկարահանէ «Ռուանտա հիւրանոցը» ֆիլմի բեմադրիչ Թերի Ճորճը, որ ի դէպ, Ռուանտայի ցեղասպանութեան մասին է: Ֆիլմը ժամանակին  քանի մը անուանակարգի մէջ առաջադրուած էր Ամերիկեան ֆիլմի ակադեմիոյ Օսկար մրցանակին: Ըստ լրագրողի` Ռեժի Սրոն զինք խնդրած էր այն ժամանակ մանրամասներ չյայտնել` «քաղաքական նրբանկատութեան» պատճառով:

Բեմադրիչը մանրամասնած է, թէ Առաջին աշխարհամարտի մասին ֆիլմ նկարելու լաւագոյն տարբերակը սիրային պատմութիւնն է` «Դոկտոր Ժիւագոյի» պէս, սիրային պատմութիւն` Հայոց ցեղասպանութեան հիման վրայ:

 Իսկ սիրային պատմութիւնը  սիրային եռանկիւնի մէջ պիտի ներկայացնէ երկու տղամարդու եւ մէկ կնոջ միջեւ: Տղամարդոց դերակատարներն են հոլիւուտեան աստղեր Քրիստիան Պէյլը եւ Օսկար Այզեքը:

Արդէն յայտնի է, որ ֆիլմը պիտի նկարահանուի Սպանիոյ մէջ: