Թուրքիայի նախագահ Ռեջեփ Թայիփ Էրդողանը ելույթ է ունեցել Ստամբուլի առևտրային պալատի կողմից Չրաղան պալատում (ճարտարապետ Սարգիս Պալյան – EH խմբ.) կազմակերպված միջոցառմանը:

ermenihaber.am-ը գրում է, որ ըստ թուրքական «samsunhaber» լրատվական կայքի` Էրդողանն իր ելույթում ասել է, հունիսի 7-ին Թուրքիայում կայանալիք խորհրդարանական ընտրություններից առաջ հայկական լոբբինգի, The New York Times և The Ekonomist թերթերի մասնակցությամբ Թուրքիայի դեմ կոալիցիոն դաշինք է ձևավորվել:

Թուրքիայի նախագահը մասնավորապես ասել է.

«Հայկական լոբբին, The New York Times-ը և The Ekonomist-ը միավորվել են ու Թուրքիայի վրա սև ամպեր կուտակելու սեանսներ են կազմակերպում: Անեծքի սեանսները գործին չօգնեցին, հիմա էլ սկսել են քաոսի սցենարներով սեանսներ անցկացնել»: