Նախարար Հրանուշ Հակոբյանն ընդունեց Հայոց ցեղասպանության 100-րդ տարելիցի միջոցառումներին մասնակցելու նպատակով Հայաստան ժամանած Ռամկավար Ազատական Կուսակցության կենտրոնական վարչության անդամներ Մայք Խարաբյանին, Վարդան Ուզունյանին և Լևոն Բելեքյանին:

 Զրույցի ընթացքում հյուրերը բարձր գնահատեցին Հայաստանում Ցեղասպանության 100-րդ տարելիցի առթիվ կազմակերպված բոլոր միջոցառումները և վստահություն հայտնեցին, որ դրանք նոր լիցք կհաղորդեն համայն հայության համախմբմանն ու համազգային նոր ձեռքբերումներին: Նրանք պատմեցին նաև Լոնդոնում իրականացված և առաջիկայում իրականացվելիք ծրագրերի ու միջոցառումների մասին:

 Սփյուռքի նախարարը գհունակություն հայտնեց ՌԱԿ-ի հայանպաստ գործունեության համար և հույս հայտնեց, որ այսուհետև ևս կշարունակվի արդյունավետ համագործակցությունը:

 Քննարկվեցին Հայաստան-Սփյուռք գործակցությանն առնչվող այլ հարցեր: