ՄՈՍԿՎԱՅԻ ԼԱԶԱՐՅԱՆՆԵՐԻ ԱՆՎԱՆ  N 2042 ԴՊՐՈՑԻ ՏՆՕՐԵՆ  ՍԵԴԱ ԳԱԼՈՅԱՆԻՆ

Սիրելի΄ տիկին Գալոյան,

Սփյուռքի նախարարության ողջ անձնակազմի և անձամբ իմ անունից ջերմորեն շնորհավորում եմ Ձեզ ծննդյան 75 և մանկավարժական գործունեության 50-ամյա հոբելյաների առթիվ:

Մեծ են Ձեր վաստակն ու ծառայությունները սփյուռքում ազգային ինքնության պահպանման, երիտասարդ սերնդի հայեցի կրթության ու դաստիարակության, հայրենիքի հետ կապերի խորացման, հայ և ռուս ժողովուրդների դարավոր բարեկամության ամրապնդման գործում։

    Ձեր կեսդարյա անխոնջ աշխատանքի տարիներին Դուք ջանք ու եռանդ չեք խնայել հայրենիքից հեռու բնակվող յուրա­քան­չ­յուր հայի օջա­խում մեր ոսկեղենիկ մայրենիի պահպանության և զարգացման համար, օգնել եք, որ հայ մարդը հավատարիմ մնա իր արմատներին և ազգային նկարագրին: Ձեր անցած ուղին ընդօրինակելի և ուսանելի է երիտասարդ սերունդների համար, ում Դուք մեծագույն պատվախնդրությամբ փոխանցել եք Ձեր փորձն  ու հայ լինելու երջան­կությունը:

Կարևորելով սփյուռքում մայրենի լեզվի պահպանման խնդիրը` մենք երախտագիտու­թյան ջերմ խոս­քեր ենք հղում Ձեզ` հայապահպանության ազգանվեր գործին Ձեր անմնացորդ նվիրումի համար:

Անկասկած, միայն սեփական ազգային ար­ժեքնե­րը բարձր գնա­հա­­տող, իր արմատ­նե­րին ամուր կառչած անձը կարող է լինել իր բնա­կության երկ­­­րի ակ­տիվ ու օրինապաշտ քաղաքացի, ինտեգրվել նրա սոցիալական, կրթա-մշակութային կյանքին, դառնալ կենդանի և ամուր կամուրջ ռուս-հայկական բարեկամության ամրացման և զորացման գործում:

    Սիրելի΄ տիկին Գալոյան, կրկին շնորհավորում եմ Ձեզ փառապանծ հոբելյանների առթիվ և մաղթում քաջառողջութուն, երկարակեցութուն և նորանոր հաջողություններ Ձեր դժվարին ու պատվաբեր գործում:

 Լավագույն   մաղթանքներով՝

ՀՐԱՆՈՒՇ   ՀԱԿՈԲՅԱՆ