Թուրքիա կատարած այցելության ընթացքում Ֆրանսիայի նախագահ Ֆրանսուա Օլանդը մտադիր է հանդիպել «Ակոս» թերթի սպանված խմբագիր Հրանտ Դինքի այրուն՝ Ռաքել Դինքին, հաղորդում է «Hurriyet Daily News»-ը:

Ավելի վաղ հաղորդվել էր, որ Ֆրանսուա Օլանդը Թուրքիա կայցելի հունվարի 27-28-ին:

Հիշեցնենք, որ Ստամբուլում լույս տեսնող հայկական «Ակոս» թերթի գլխավոր խմբագիր Հրանտ Դինքը սպանվել է 2007 թվականի հունվարի 19-ին՝ ազգայնական Օգյուն Սամասթի կողմից: 2014-ի սկզբին այդ գործով դատաքննությունը վերսկսվել է Ստամբուլի դատարաններից մեկում: