Խոր ցավով տեղեկացանք բեմադրիչ, դերասան, ՀՀ մշակույթի վաստակավոր գործիչ Արմեն Մազմանյանի վաղաժամ մահվան մասին:

Արմեն Մազմանյանը հայ ժողովրդի տաղանդավոր զավակներից մեկն էր, որն իր ողջ կյանքն ու գործունեությունը նվիրաբերեց արվեստին: Դրա վկայությունը նրա թողած ժառանգությունն է՝ բեմադրություններն ու կերտած կերպարները, «Գոյ» թատրոնը և, իհարկե, գիտելիքներն ու փորձը, որ նա փոխանցեց իր սաներին, որոնք  այսօր մազմանյանական դպրոցի հետևորդներն են:

Արմեն Մազմանյանը հետաքրքիր անհատականություն էր, շփման մեջ` պարզ ու անկաշկանդ, տեսակետների մեջ՝  հաստատակամ, սկզբունքային ու իրատես:

Որպես մարդ և արվեստագետ՝ նա ուրույն հետագիծ թողեց և որպես այդպիսին՝ կապրի իրեն ճանաչող բոլոր մարդկանց սրտերում:

ՀՀ սփյուռքի նախարարության ողջ անձնակազմը ցավակցում է Մազմանյան ընտանիքին, ինստիտուտի բոլոր աշխատակիցներին և ուսանողներին այս անդառնալի կորստի կապակցությամբ:

Համբերություն, ուժ և կամք` սփոփելու ձեր խոր վիշտը:

ՀՀ ՍՓՅՈՒՌՔԻ ՆԱԽԱՐԱՐ

ՀՐԱՆՈՒՇ ՀԱԿՈԲՅԱՆ