Չելյաբինսկում կկառուցվի առաջին հայկական եկեղեցին
ՌԴ Չելյաբինսկ քաղաքի ղեկավարի ժամանակավոր պաշտոնակատար Նատալյա Կոտովան ստորագրել է առաջին հայկական եկեղեցու կառուցման թույլտվության մասին հանձնարարականը:
«Որոշվել է թույլատրել տեղի կրոնական կազմակերպությանը՝ հողատարածքի օգտագործման և «Սուրբ Գրիգոր Լուսավորիչ եկեղեցու» կապիտալ շինարարության համար»,- ասվում է քաղաքապետարանի կայքում հրապարակված հայտարարության մեջ:
Նշվում է նաև, որ Սուրբ Գրիգոր Լուսավորիչ հայկական եկեղեցին տեղակայված է լինելու քաղաքի Կուրչատովսկի շրջանի Բեյվելի փողոցում: Շինարարության համար հատկացված հողատարածքի ընդհանուր մակերեսը կազմում է 315 քառ. մետր: