Արևմտահայերեն
Русский
EnglishԱդրբեջանական կողմի կրակոցներից Կոթի գյուղի բնակիչ է վիրավորվել
Տավուշի մարզի սահմանամերձ Կոթի համայնքում սեպտեմբերի 15-ին ադրբեջանական կրակոցներից քաղաքացի է վիրավորվել:
Այս մասին NEWS.am-ի հետ զրույցում ասաց Կոթիի գյուղապետ Ֆելիքս Մելիքյանը:
«Երեկոյան ուշ ժամին սկսված կրակոցներից սրունքի հատվածում հրազենային վիրավորում է ստացել մեր համագյուղացի, 60-ամյա Սուրեն Սեփխանյանը: Բարեբախտաբար, վնասվածքը լուրջ չէ, նա համապատասխան բուժօգնություն է ստանում»,- ասաց համայնքապետը:
Նա նշեց, որ երեկ կրակոցները շարունակվել են մոտ 40 րոպե, հետո դադարել: Հիմա գյուղում իրավիճակը հանգիստ է:
