Բանաստեղծ, լրագրող, խմբագիր Սամվել Մարգարյանի հայրենասիրական թեմայով գրված «Հերոսապատում» գրքի պոեﬓերն ու բանաստեղծություններն անդրադառնում են Արցախի, Հայոց բանակի, Հայոց դատի նվիրյալներին: Գրքի շնորհանդեսը տեղի ունեցավ դեկտեմբերի 5-ին Հայաստանի գրողների ﬕությունում: «Գրքում զետեղվել են հեղինակի տարբեր տարիների ստեղծագործությունները: Հատկապես ընդգծված են արցախյան պատերազﬕ հերոսամարտի և՛ զոհված, և՛ կենդանի հերոսների մասին գործերը: Կա անդրադարձ Սարդարապատի ճակատամարտին, ապրիլյան քառօրյա պատերազﬕն»,-«Արﬔնպրես»-ի հաղորդմամբ` նշեց Հայաստանի գրողների ﬕության նախագահ Էդվարդ Միլիտոնյանը: Նա հավելեց, որ պոեզիան ինքնին զինվոր է մարտադաշտում:

Գրականագետ Պետրոս Դեﬕրճյանի խոսքով`Սամվել Մարգարյանն իր տպագրած առաջին գրքից ﬕնչ «Հերոսապատում» ժողովածուն հավատարիմ է ﬓացել այն թեմաներին, որոնք ﬕշտ առկա են եղել իր ստեղծագործություններում: «Դրանք են հայրենիքը, հերոսները, հայոց պատմությունը, քաղաքները, ի վերջո սերը ոչ ﬕայն հայրենիքի, այլև կնոջ, սիրած աղջկա և աշխարհի նկատմամբ»,-ասաց Դեﬕրճյանը: «Ապրելով այս հողի վրա`ﬔնք երբեք չենք մոռանում հանուն հայրենիքի արյուն թափած հերոսներին: Այս ժողովածուում անդրադարձել եմ Հայկ նահապետից ﬕնչև ապրիլյան պատերազﬕ հերոսներին, փորձել դեպքերն ու իրադարձությունները գեղարվեստորեն, բանաստեղծական ներկայացնել: Հնարավոր չեղավ բոլորի մասին ﬕ գրքում գրել, հետևաբար այն շարունակություն կունենա»,-շեշտեց գրքի հեղինակ Սամվել Մարգարյանը:

Նա ընդգծեց, որ հայ ժողովուրդն իր ողջ պատմության ընթացքում քաջության բազում էջեր է ունեցել, սակայն իր համար վճռական, ճակատագրական սխրանքներն Ավարայրի, Սարդարապատի հերոսամարտերն են և Արցախի ազատագրումը:

Շնորհանդեսին ներկա էին ինչպես գրողներ, այնպես էլ` Արցախի ազատագրմանը մասնակցած հերոսներ և քառօրյա պատերազմում զոհված զինվորների ծնողներ:

Սամվել Մարգարյանը ծնվել է 1952 թվականին Ախուրյանի շրջանի Երազգավորս գյուղում:

Ավարտել է ԵՊՀ բանասիրական ֆակուլտետը։ «Շիրակ» թերթի խմբագիրն է։ Հրատարակել է բանաստեղծական 21 ժողովածու :Նրա գործերը թարգմանվել են ռուսերեն, վրացերեն, անգլերեն, ուկրաիներեն։

Հայտնի գրքերն են «Սրբազան լեռնաշխարհ»-ը, «Աշխարհի հուրիներին»-ը, «Մեղրագետ»-ը, «Երազգավորս»-ը: