Յարգարժա´ն տիկին նախարար.

«Արձագանգ» պարբերաթերթի խմբագրութեան անունով շնորհակալութիւն կը յայտնեմ մեր վարչութեան նոր կազմի ընտրութեան առթիւ Ձեր ուղարկած շնորհաւորական գրութեան համար:

Խորապէս զգացուած ենք Ձեր գնահատանքի խօսքերէն եւ ջերմ մաղթանքներէն, որոնք մեզ կը մղեն նոր եռանդով շարունակելու «Արձագանգ»-ի լոյս ընծայումը:

Անկեղծ զգացումներով կը շնորհաւորենք Ձեզ և Ձեր անձնակազմը Սփիւռքի նախարարութեան հիմնադրութեան հնգամեայ յոբելեանին առթիւ: Անցնող հինգ տարիներուն ընթացքին անգնահատելի է Սփիւռքի նախարարութեան կատարած հսկայական աշխատանքը ի նպաստ Հայաստան-Սփիւռք կապերու առաւել ամրապնդման եւ զարգացման: Ձեր նախարարութեան իրականացուցած զանազան ծրագիրներուն շնորհիւ սփիւռքահայ երիտասարդներ կը կապուին Մայր Հայրենիքին ու աւելի գիտակից կը դառնան իրենց հայ ինքնութեան:

Ձեզի կը մաղթենք առողջութիւն  և նորանոր ձեռքբերումներ Ձեր պատասխանատու ու հայրենանպաստ գործունէութեանց ծիրին մէջ:

Ջերմ զգացումներով եւ յարգանօք՝

ՄԱՐԱԼ ՍԻՄՍԱՐ

Պատասխանատու-խմբագիր «Արձագանգ» երկամսեայի