Ախալցխայի Վահրամ Գայֆեճյանի անվան ստեղծագործողների տանը բացվեց միության ղեկավար Ալեքսանդր Իգիթխանյանի 60-ամյակին նվիրված նկարների անհատական ցուցահանդեսը: Ցուցահանդեսին ներկայացված էին Ալեքսանդր Իգիթխանյանի նկարները եւ այլ ստեղծագործական ժանրի աշխատանքները:

Անհատական ցուցահանդեսի բացմանը ներկա էին Ախալցխայի գամգեբելիի տեղակալ Աշոտ Մանասյանը, Ախալցխայի Հայկական երիտասարդական կրթամշակութային կենտրոնի ներկայացուցիչները աշակերտների հետ միասին, ինչպես նաեւ քաղաքի մտավորականները եւ միության գործունեությամբ հետաքրքրվող անձինք:

Ցուցահանդեսի բացման առիթով գովասանքի եւ շնորհակալական խոսքերով հանդես եկան միջոցառմանը ներկա մի շարք մտավորականներ, ինչից հետո Ալեքսանդր Իգիթխանյանը ներկայացրեց իր նկարների ժամանակագրությունը եւ ստեղծագործությունների պատմությունները:

http://akhaltskha.net/