Բարի գալուստ նոր ուսումնական տարի

Սեպտեմբերի 1-ը Գիտելիքի, գրի եւ դպրության միջազգային օրն է, եւ ինչպես բոլոր դպրոցներում ու ուսումնական հաստատություններում, այնպես էլ Ֆրանսիայի Նանսի քաղաքի հայկական համայնքին կից գործող«Հայասա» կիրակնօրյա դպրոցում վերսկսվեցին դասերը: Այս մասին «Հայերն այսօրին» հայտնում է Մերինե Թադեւոսյանը:

Տոնի առթիվ նախ ողջունեց ու շնորհավորեց համայնքի ղեկավար Արթուր Ավետյանը, ապա նրա շնորհավորանքին միացավ դպրոցի ուսուցչական կազմը: Այս եւ Սփյուռքում գործող նմանատիպ մյուս դպրոցները, որոնց թիվը տարեցտարի ավելանում է, խորհրդանշում են հայ ժողովրդի սերը գիտության հանդեպ, որն էլ դարձել է ազգային մեր հարատեւության գրավականը: