ԱԼՄԱԹԻԻ «ԼՈՒՅՍ» ՀԱՅԿԱԿԱՆ

ՄՇԱԿՈՒԹԱՅԻՆ ԿԵՆՏՐՈՆԻ ՆԱԽԱԳԱՀ

ՆԱՐԻՆԵ ՄԻՔԱՅԵԼՅԱՆԻՆ

Հարգելի՛ Նարինե Միքայելյան

ՈՒրախությամբ տեղեկացանք, որ Դուք ընտրվել եք Ղազախստանի ժողովրդի վեհաժողովի Խորհրդարանի 6-րդ գումարման Մաժլիսի պատգամավոր։ Մեզ համար այս հանգամանքը կարևորվում է նաև նրանով, որ Դուք առաջին հայն եք, ով արժանացել է նման պատվի։

Մենք հպարտ ենք, որ, լինելով Ձեր բնակության երկրի արժանավոր քաղաքացի, Դուք պահպանում և զարգացնում եք Հայրենիք-Սփյուռք կապերը, նպաստում դրանց սերտացմանը: Մեզ ուրախացնում է, որ Ղազախստանի հայերի «Նաիրի» միությունը, որի կազմում ընդգրկված է նաև «Լույս» մշակութային կենտրոնը,  կյանքի է կոչում հետաքրքիր ու բազմաբովանդակ շատ նախաձեռնություններ՝ մեր հայրենակիցների համար դառնալով յուրօրինակ հայկական տուն։ Ասվածի վկայությունն է նաև 2015 թ. Արտուշ Կարապետյանի նախաձեռնությամբ Հայոց ցեղասպանության 100-րդ տարելիցին նվիրված Խաչքարի տեղադրումը և կրթամշակութային միջոցառումների շարքը։

Կրկին շնորհավորելով` մաղթում եմ, որ Դուք նոր ոգևորությամբ և նվիրումով շարունակեք Ձեր գործունեությունը՝ ի նպաստ Հայրենիք-Սփյուռք գործակցության զարգացման, ազգապահպան մշակութային կամրջի և հոգևոր զարկերակի զորացման:

Հարգանքով`

ՀՐԱՆՈՒՇ ՀԱԿՈԲՅԱՆ