Ստամբուլի կենտրոնական Բեյօղլու թաղամասի Իսթիքլալ պողոտայում մարտի 19­-ին տեղական ժամանակով ժամը 11:00­-ին հզոր պայթյուն է տեղի ունեցել: Ինչպես հաղորդում է «Արմենպրես»­-ը` վկայակոչելով «Անատոլու» լրատվական գործակալությունը, միջադեպի վայր շտապօգնության մեքենաներ եւ ոստիկանական ու հրշեջ բրիգադներ են ուղարկվել:

Ոստիկանությունը փակել է պողոտա տանող բոլոր մուտքերն ու ելքերը: Պողոտային հարող Թաքսիմի հրապարակ արգելվել է մարդկանց եւ ավտոմեքենաների մուտքը: CNNTurk­-ը հայտնում է, որ նախնական տվյալներով կա երկու զոհ և 7 վիրավոր: Ենթադրվում է, որ պայթյունը մահապարտ ահաբեկչի ձեռքի գործ է: