Ախալցխայում անցկացվեց վրացական ազգային հեռուստածրագիր «Էտալոն»-ի ընտրական մրցույթը: Ինտելեկտուալ մրցույթի ժամանակ միմյանց հետ մրցում էին Ախալցխայի հանրային դպրոցների աշակերտները: Այն անցկացվեց Սամցխե-Ջավախքի պետական համալսարանում, ծրագրի ամփոփող ղեկավար Գոչա Տղեշելաշվիլիի կողմից:  Այս մասին տեղեկացնում է Akhaltskha.net կայքը:

Աշակերտները պատասխանեցին ընդամենը 20 հարցի: Մի ժամվա լարված խաղից հետո վերջնական հաղթանակ տարավ թիվ 3 հանրային հայկական դպրոցի աշակերտուհի Աննա Մկոյանը, ով մասնակցելու է մայիսի 14-ին Թբիլիսիի ֆիլհարմոնիայի համերգասրահում անցկացվելիք «Էտալոնի » ավարտական փուլին:

Ախալցխայում ընտրական փուլը կազմակերպվեց Ախալցխայի քաղաքապետի կողմից: Հաղթողին Գիորգի Կոպաձեն փոխանցեց պատվոգիր:

Նրա խոսքերով՝ իր համար շատ հաճելի է, որ հաղթել է թիվ 3 հանրային հայկական դպրոցի աշակերտուհին: